【东方日报专讯】郑中基（Ronald）天生好「性」，经常被拍到与不同女伴相聚，日前有杂志拍得他背住女友蔡卓妍及绯闻女友杨爱瑾（Miki），带女返家偷欢。昨日Ronald出席记者会时，拒绝解释「背Sa偷欢」一事，更自称未婚，识多几个朋友好平常云云。
Ronald继早前被拍得与旧爱杨千嬅的化妆师后楼梯激吻后，上周二出席电影庆功宴时，拖实杨爱瑾的手及揽对方，最后更以自己的保母车接载对方及侯莎莎返新居，期间更与传媒起冲突。昨日有杂志指Ronald趁女友蔡卓妍离港，于上周六晚带新欢返家玩「煮饭仔」，Ronald为怕畀狗仔队发现，致电司机在屋苑内兜圈视察，之后保母车离开寓所接人，继而返回新居。
互喂爱心
未几，屋内就发现一名穿上白色衬衫牛仔裤的女子，Ronald与该女子齐齐入厨房煮，当两人进食时更互喂，犹如热恋中的情侣，两人情到浓时在大厅内揽揽锡锡，相当温馨。
Ronald回应说：「我觉得好唔开心，侵犯私隐，我冇偷偷摸摸，依个系我对人对事态度。（怕唔怕畀人觉得系花花公子？）你咁写我冇办法，我未结婚，识多几个朋友系好正常，我冇做过弥天大罪，我屋企一定系屋企人，我唔会交代系边个。（相人系咪你？）我唔会回应，影人屋企就唔。（会唔会追究？）同爸爸商量先。」问他阿Sa知否这宗新闻？Ronald说：「我唔知佢知唔知，我今日成日都同Paco（黄高）倾电话，我有?憎。（Miki好惨？）个个都惨。」Ronald并强调说：「我冇背住人，做对人唔住！」不知是向阿Sa还是Miki派定心丸呢？
Miki唔开心
对于Miki在庆功宴上与Ronald揽揽抱抱一事，Miki唱片公司发言人陈小姐说：「因为当时有记者入去，所以Miki先推一推佢，绝对唔系报道所讲。（当晚佢有冇上Ronald车？）佢系上，不过中途放低佢。（Miki有冇唔开心？）当然有啦。（佢有冇联络过Ronald？）之前Ronald同传媒冲突就有打，不过今次就冇。」另外，阿Sa的经理人霍汶希坦言不作回应。
文章来源：雅虎香港
|
